شعر&& بقلم الكاتبة شاهيناز العرب

اقرب فِــيّ جاملني ابــ عتاب
ماتبقــاش جــافي يا عنــيد
انكان دواك فيــّا بِالعــذاب
افــداك الرّووح والعُمر الزّهيد
لا واللّه ماتصَدِّقش تــاب
على مدعــاك عقلي مايحيــد
سُمُــور اللِّيل واخطــور النّــواب
مــعاه انهـيــم بالدّمعِ الغــريــد
عيني ليــك ما تحمـِـل غِيــاب
وليــك القلب مادارش نديــد
اجرح قلب عِيــثَه بالخــراب
اللِّي يرضيك ديره يابــعيــد
بعــد اللّه. يــاسيــد الاحبــاب
أقــرب لــي مِــنْ حَبل الوريــد
فِعلك .خطأ عندي كي صواب
عـارف زين في طبعك فريــد
انشيــل الذّنــب واتشيــل الثّواب
جَــيّكْ لــي هذا يوم عيــد
شاب القلب في زَهــر الشّبــاب
مــافرِّقت عَمْرو. وبين زِيــد
نســكر بيــك يــاحلو الشّــراب
غديرك دووم ينضح بالمــزيد
ضَــنِّي فيــك مــاتحسِبش خــاب
ورأيي فيــك بالقــول السّديــد
مــاتْحيِّرش فِكرك بالحّــواب
وصيــغه لا ابشرط ولا ابقِيــد
وان ماقدرت نفســك عالضّبــاب
وحُكم اللّه آتِــي بــالوعيــد
اطويــني عــاد صفحه فِي اكتــاب
وافْــعَل ماتشــآءُ ومــاتُرِيــد٠