ياناسي ودي&& بقلم الكاتب أشرف الدغيدي

 ياناسي ودي

ياناسي ودي وانت بعيد

وقاسي عليا وانت قريب

هان عليك تخون ودادي

وتجرح في هواك فؤادي

ورغم عمايلك وظلمك

ماأقدرش أنسي حبك

ياما سامحتك في ليالي قربك

وصونت في الهوي ودك

ويعز عليا جفاك

وقسوة قلبك في هواك

وانت بتخون عهد الهوي معايا

وأتألم واتعذب في هوايا

واسهر الليل أنا وسهادي

وانت ياقاسي ناسي ودادي

تظلمني وتهجرني وتجافيني

وتخليني اشكي من أنيني

وابات افكر إيه ذنبي

والاقي الدموع إجابه عندي

وأفتح للوصال معاك طريق

تسيبني في هواك وحدي غريق

وابعتلك كل يوم مراسيلي

ودموعي دليلي في منديلي

واقولك واحشني إرحم دموعي

قوللي أجيلك أو تجيني

والقاك تعند وتصدني

وتزيد في هجرك ما تودني

وتعذب قلبي اللي شاريك

وهو بيتمني يرضيك

وياما سهر ليالي يناجيك

وعاش مشغول يفكر فيك

مش عارف بإيه يصالحك

ولإمته هيفضل يسامحك

وتعز عليا نفسي منك

والوم قلبي علي حبك

واختار البعد عنك

وقلبي مني يغضب

وادوق عذاب البعد والقاه أصعب

وتوحشني أرجع أحنلك تآني

وأبعد يبكيني حالي

واندم ع اللي فات من ذكريات

وانت ياقآسي بتزيد المسافات

وخليت دموعي تسقي وادي

ورفيقي صبح الحزن والألم

وصديقي وجدي وسهادي

وانت قاسي وبيا مش داري

وادعي ربي يسامحك ويهديك

ويصبرني علي صدمة قلبي فيك

خوآطر. أشرف الدغيدي

حقوق الملكية محفوظه