في عيد الحب &&بقلم الكاتب والشاعر محمد كمال مسلم

في عيد الحب

بيحكي القلب في يوم عيده

ويتكلم عن نفسه

ورب الكون خلق دقاته

وعارف فرحه من حزنه

وأنا هكتب وقلبي يمليني

وكل احساسي يارب يهديني

اليوم ده يوم عيدك

دلوقتي لقيت حبي

بيجري في دمك ووريدك

أنا العاشق ياملهمتي

أنا اللي مصيري دلوقتي مابين ايدك

شايل روحي على كفي وبكتب من قلبي 

تعالي قولي احكيلي

مين بيحس دقاتي

ياريتك قادره دلوقتي

تقولي شعورك إيه ياحياتي

أنا بحلم أشوف نفسي في أحضانك

تدفي قلبي بحنانك

أشوف ايدك بتلمسني

شعور ناداني دلوقتي

أدوق الحب من ايدك

أنا عارف سألتيني

وبإيه حبي هيفيدك

أكيد عندي احساسك

وبرضوا أنت حساني

أنا الشاعر وبتحرك باحساسي

ولا مره رضيت أشوف قلبي

في يوم قاسي أوليكي يكون ناسي

في عيد الحب

زهور الحب بهديها

متيجي نروح نروح لبعيد

ونوصل مره للنجوم

ونحكي كل مشاعرنا

ونهديها لأحبابنا

في يوم العيد

أكيد الحب ليه معنى

وحبي ليكي أنتي يزيد

يا شاغله القلب بالضحكه

أنا مشتاق ياريت الحب يفرحنا

ياريتني يوم أشوف نفسي

أنطونيوا

وأوصف معاني الحب

بكل شوق لملهمتي

كل سنه وأنتي طيبه

يا أجمل ملهمه

يارب تفضلي

باقيه على حبنا

ولا يفرقنا شئ

مادام الحب البرئ

بينور قلبنا

بقلم محمد كمال مسلم

شاعر مصر