ومين يسامح مين&& بقلم الكاتب والشاعر اشرف الدغيدي

 ومين يسامح  مين

ومين يسامح مين يااهل الهوي قولولي

قلبي اللي انجرح ولا اللي برمشهم جرحوني

حبيبي ومحيرني في هواه

ولو غاب عني الاقي عقلي مني تاه

وقلبي دقاته كتير متغيره و وجعاه

وادور عليه بقلب ملهوف يمكن القاه

وارمي نفسي جوه حضنه بشوق وحنين

ولما القاه أحتار وانسي نفسي انا مين

واحس بقلبي وعنيا وعقلي وروحي بيه فرحانين

حاسين بحنانه ولأيام الجفا ناسين

وبعد ماكنت واخد علي خاطري من أغلي حبيب ليا

الآقي نفسي نسيت الأذيه و كل اللي كان بيا

ليه نحب ونتعذب ويا حبايبنا

وليه مانتهناش بهواهم بعد ماكانوا سايبنا

وليه نتحرم من ليالي غرامهم في ليالي الخصام

وليه مانفرحش سوا بكل الأيام

نعمل ايه واحنا ما اخترناش حبهم

وكان غصب عنا زعلهم و بُعدهم

قدر ومكتوب علينا لما حبينا وقاسينا

وبعد ماجربوا البعد عنا وعذابه

رجعوا والندم سابقهم يدقوا علي القلب بابه

خواطر 

اشرف الدغيدي