الحب&& بقلم الشاعر محمد كمال مسلم نور الدين

الحب

ولما أكتب عنه كلامي بيكون ليكي

والله عيوني بيتهنوا

ساعة مايشوفوا عنيكي

والقلب دقاته سريعه

دايما ملهوف كده ليكي

وحياتي من غيرك ظلمه

ونورها كله بيكي

ياحب

قلبي بينادي عليكي

اديني نظره أوهمسه

أولمسه من ايديكي

اديني بسمه أو كلمه

قلبي مشغول عليكي

في عنيكي

يا حبيبتي بتوه

وقلبي بيقول أيوه

أنزل بحر حبك

من غير حتى المايوه

نازل وفارد جنحاتي

ماأنا العصفور اللي رفرف

وبيكي عادت نغماتي

عارفه لما بفرح

بتمنى أهديكي حياتي

والفرحه مين يجيبها

والله نفسي أسيبها

ياحبيبتي تفضل معاكي

اديني بس نظره

أو كلمة حب واحده

من غيرك عايش في وحده

وبنسى حتى ذاتي

أنا الحب

ما أنتي الحبيبه

عمري ماحسيت

يوم بالشيبه

برجع تاني لشبابي

من نظرة حب واحده

ياملكه بالراحه شويه

قلبي محتاج ملاغيه

محبوبك ده من الشرقيه

وبحب الأمه العربيه

ومصر دي غاليه عليا

بتمنى أكتبلك أغنيه

تتغنى كمان في الأوبرا

عارفه حاسس دلوقتي بأيه

قلبي بيحبك اسأليه

والحب أنتي وأعمل إيه

قوليلي كلمه واحده

بقلم محمد كمال مسلم نور الدين

شاعر مصر